轉自5月7日玉郎日日鮮
龍少部《神兵4》不經不覺已出了10期，眼見坊間同網上的反應都非常之唔錯，聽講實銷數字仲拍住《火雲邪神》，以一部全新創作，冇乜情意結效應的漫畫來講，都可謂創下近年港漫數一數二的佳績，龍少呢舖飲得杯落啦！
為回饋fans的支持，把白象古刀來緊幾期內就會送出，到底係咪先前講的第12期呢？其實都冇乜關係咯，係fans的自然期期捧場，試問又點會走寶呢!?
送完把靚正神兵，龍少精心籌劃的精品系列隨之起動！概念係延續《火雲邪神》的壞蛋系列，只此一家龍少design的蛋型Q版公仔，最update收到的料係第一批會先出6款清一色男性角色，包括紀辰天、穹白、久石焚風、坤劫、沙曼洛同穹白兵，而且size仲唔係之前的電話繩size添！
實物暫時未有，不過首辦同Colour Sample，已經率先睇了，當然啦，梗係預埋大家一齊睇！
穹白多面睇，造工超級精美，份量十足，據講成本係其他款式的一倍，睇對翼咁大就知啦！